Baka Naman.

Baka naman pwedeng siya na,

Baka naman pwedeng pagbigyan ang aking hiling.

Ngunit may bumubulong sa aking isip,

Nagsasabing maghintay lang, o pusong marupok.

Sa bawat "baka naman" na aking sambit,

Ay siya namang bulong na "hindi pa" ng tinig sa aking isip.

Hindi pa.

Maghintay ka pa ng kaunti,

Magtiwalang lubos at wag magmadali.

Higit pa dyan ang kaya Kong ibigay,

Higit pa dyan ang plano Ko sayong panghabambuhay.

Matutong maghintay, o pusong marupok.

Huwag magpadala sa bugso ng damdamin.

Sa Kanyang mga pangako sayo ikaw ay kumapit,

Naririnig ng Diyos ang iyong mga panalangin.

Sa bawat "baka naman" na aking hirit,

"Higit pa dyan ang para sayo" naman ang bulong ng langit.