Balang Araw (Part 2)

Balang araw mapapalitan rin ang iyong mga lumbay

ng walang hanggang ligaya,

Balang araw mapapalitan rin ang iyong mga tanong

ng pagpupuri't pasasalamat sa Diyos Ama.

Bawat sakit, bawat iyak,

Bawat pait ng nakaraan,

Ang lahat ay may dahilan.

Ang lahat ay kailangang pagdaanan,

Ang lahat ay may ituturo sa ating aral,

Paghahanda sa atin para sa takdang panahon.

Ang lahat ng ito ay hindi sayang

Dahil sa pangakong panghabambuhay ng Maykapal.

Balang araw, mapapalitan ang iyong lungkot sa mata

ng isang malaking ngiti, sabay sabi ng

"Lord, kaya naman pala."